منتدي امل الامه
اهلا بك عزيزنا الزائر في منتدانا نرجو ان تكون في تمام الصحه والعافيه برجاء التسجيل في المنتدي حتي تستطيع رؤيه الصور والروابط والفيديوهات مع اطيب التمنيات من اسره منتدي امل الامه

Welcome dear visitor in our forum we hope to be in optimal health and wellness, please register at the forum so they can see the pictures, links, and videos with the best wishes of the forum hope of the nation


منتدي يدعم شباب المستقبل الذين سوف ينهضون بالبلاد الي الامام
 
الرئيسيةالبوابةالتسجيلدخول

شاطر | 
 

 رائعه صلاح جاهين - على اسم مصر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زهره البنفسج
مشرفه
مشرفه
avatar

عدد المساهمات : 208
تاريخ التسجيل : 04/01/2012

مُساهمةموضوع: رائعه صلاح جاهين - على اسم مصر   الجمعة يناير 27, 2012 11:52 am


عل
ى اِسم مصر - صلاح جاهين
على اسم مصر التاريخ يقدر يقول ما شاء

وأنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة ف حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر


مصر النسيم في الليالي وبياعين الفل

ومرايه بهتانة ع القهوة - أزورها - واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوقفي الفراندة واسمها جولييت

ولما جيت بعد روميو بربع قرن بكيت

ومسحت دمعي في كمي ومن ساعتها وعيت

على اسم مصر


مصر السما الفزدقي وعصافير معدية

والقلة مملية على الشباك - مندية

والجد قاعد مربع يقرا في الجرنال

الكاتب المصري ذاته مندمج في مقال

ومصر قدامه اكتر كلمة مقرية

قريتها من قبل ما اكتب اسمي بإيديا

ورسمتها في الخيال على أبدع الأشكال

ونزلت أيام صبايا طفت كل مجال

زي المنادي وفؤادي يرتجف بجلال

على اسم مصر

النخل في العالي والنيل ماشي طوالي

معكوسة فيه الصـور - مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي - وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولد من جديد

على اسم مصر



[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
رائعه صلاح جاهين - على اسم مصر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي امل الامه :: منتدي ابدعاتك هنا :: منتدي الشعراء-
انتقل الى: